Բնությունը լավագույն դիզայներն է: Ձմռանը նա հեքիաթի է վերածում ամենը, ինչի դիպչում է իր կախարդական գավազանով` ծածկելով  ծառուղիներն ու հրապարակները ձյունաճերմակ գորգով հյուսված անկրկնելի ձյան փաթիլներով, զարդարում է տան պատուհանները՝ սիրալիր թարթող  գույնզգույն լույսերով:  Ձմեռային տեսարանի  հիմնական հերոսները դառնում են կենսուրախ երեխաները՝ լցնելով քաղաքի փողոցներն ու հրապարակները  նոր բնակիչներով `զվարճալի ձնեմարդուկներով: Եւ միայն խանութի ցուցափեղկերին ակամա սևեռված անցորդների մռայլ դեմքից  կարելի է հասկանալ, որ երբեմն մեծահասակներին հեքիաթներն  անհրաժեշտ են նույնիսկ ավելի, քան երեխաներին:

Ամանորյա տոնակատարությունների նախօրեին Երևան Մովսես Խորենացի 24 հասցեում գտնվող Artyom’s սրահը վերածվեց Ձյունե թագուհու նստավայրի: Սա ոչ միայն հեքիաթային է, այլ «Սառը, Ամայի, Վեհաշուք»:  «Ու՞ր է նա, հպարտ, անհասանելի ու աննման թագուհին, շրջապատված անհամար գանձերով լի սառցե ցուցափեղկերի  լաբիրինթում, հրավիրում է խաղալ «Մտքի սառցե խաղ» անվանմամբ խաղը միակ պայմանով՝ավելացնել «Հավերժություն» բառը :

Իսկ Փոքրիկ ավազակի այգում վայրի աղավնիները   պատմում են կախարդված Կայի և Գերդա անունով խիզախ աղջկա պատմությունը՝ սիրո և ընկերության թելերով կապելով  բոլոր «Չորս քամիները»:

Եվ միայն Ձյունե թագուհու ամրոցի հյուրերին դիմավորող և ճանապարհող Հյուսիսային Եղջերուի աչքերում կարելի է կարդալ հետևյալը:  «Հավատացե՛ք գեղեցիկ ու բարի հեքիաթի, եւ այն անպայման կիրականանա»: